nanees

You are here: أسئلة»المكياج»كنت عاوزة اعرف ما هو الحمام المغربى وما هى اهمية واضرارة عشان عوزة اعمله عشان فرحى ومش عارفة هو بيعمل ايه؟

Favourites Create PDF Email طباعة

أسئلة وأجوبة

كنت عاوزة اعرف ما هو الحمام المغربى وما هى اهمية واضرارة عشان عوزة اعمله عشان فرحى ومش عارفة هو بيعمل ايه؟

Date added:
الخميس, 08 يوليو 2010
Last revised:
never
Hits:
5671
Rating:
 
Vote for this:
Good - Bad
favoured:
0 Favour

Answer

الحمام المغربي له فوائد كتيرة جداً لإنه بيخلص الجسم من كل الأتربة والشوائب وكمان بيفتح البشرة وبيوحد لونها وبينعم البشرة وكمان بينشط الدوره الدمويه ويهدي الاعصاب، ويزيل السموم والماء الزائد من البشرة، ودي طريقة عمله بس في الاول خدي بالك من شوية النصائح دي قبل الحمام
1- ممنوع تقومي بالحمام وإنتِ جعانة أو صايمة، وده لأن الجسم بيفقد سوائل كتير بسبب البخار والحرارة العالية وبالتالي؛ علشان لا قدر الله ممكن تصابي بالهبوط لازم تاكلي قبل الحمام ولو حتى حاجة بسيطة.
2- ماتنسيش نفسك في الحمام والتزمي بالمدة المحددة لكل خطوة؛ لأن وجودك في البخار فترة طويلة ممكن يؤدي لا قدر الله للاختناق.. علشان كده بلاش تنسي نفسك ولو حسيتِ في أي لحظة إنك دايخة أو مخنوقة افتحي أي منفذ هوا بسرعة وبلاش تجني على نفسك لأن حياتك أهم من الحمام المغربي.
ودي الطريقة
المطلوب:
1- ماء ساخن جداً.
2- صابون للجسم ويفضل صابون مغربي
3- ليفة مغربي خشنة ودي برضه هتلاقيها عند العطار.
4- إسفنجة ناعمة، ممكن تلاقيها في الصيدلية أو السوبر ماركت وبرضه عند العطار.
الخطوات:
1- اقفلي أي منفذ للهواء في الحمام يعني تقفلي الباب والشباك وحتى الشفاط.
2- افتحي المية السخنة في البانيو على الآخر لغاية ما يبقى فيه بخار جامد في الحمام وبعدين سدي البانيو واملي نصه من المية السخنة.
3- جيبي طبق وامليه مية سخنة جداً وحطي فيه اللوفة الخشنة.
4- المطلوب في هذه المرحلة إنك تعرضي جسمك لأكبر قدر ممكن من البخار وده مش هيحتاج وقت أكتر من 5 دقائق بس.
5- بعد ما جسمك ياخد الكمية المحترمة من البخار تبدئي تحطي الصابون المغربي على جسمك ووجهك بس طبعاً تبعديه عن عينيكِ خالص.. المهم ازاي تحطي الصابون..؟ تجيبي الصابون وتبدئي تفركيه على جسمك.. تفركيه بس من غير دعك، يعني بالراحة.. بلاش تاخدك الحماسة قوي أحسن تحصل لك التهابات.
6- سيبي الصابون على جسمك حوالي 10 دقائق.
7- اشطفي جسمك بالمية السخنة وبعدين حطي كمية تانية من الصابون بنفس الطريقة السابقة وسيبيه برضه لمدة 10 دقائق.
8- ممكن تستفيدي بالفترة دي في إنك تنضفي الكعبين بالحجر الحفاف (موجود عند العطار).
9- بعد ما تعدي الـ10 دقائق اشطفي جسمك من الصابون برضه بمية سخنة.
10- امسكي اللوفة الخشنة وابدئي في دعك جسمك (من غير الوجه) بشكل دائري وهتكتشفي المفاجأة وهي إن الخلايا الميتة في الجسم بتتشال بمنتهى السهولة.
11- بالنسبة لتنضيف الوجه بتستخدمي الإسفنجة الناعمة وده عن طريق مسح البشرة بحركة دائرية من غير الدعك أو الضغط عليها لأن الضغط على البشرة بيؤدي لظهور التجاعيد بدري.
12- دلوقتي بقى اشطفي جسمك كويس بالمية، واغسلي شعرك طبعاً، بس أهم حاجة ممنوع منعاً باتاً استخدام أي نوع من العطور أو مستحضرات التجميل اللي فيها عناصر كيمياوية، ولكن يفضل إنك تستخدمي الزيوت والمستحضرات الطبيعية وأحسن حاجة واللي أنصحك بيها هي زيت اللوز وده لأنه بيفتح البشرة ويلمعها، وممكن كمان إنك تضيفي ماء الورد للمية اللي بتشطفي جسمك بيها.

قسم فرعي

التعليقات (2)Add Comment
0
امال فين الطمي المغربي
أرسلت بواسطة sama star, مارس 09, 2011
مش المفروض بعد الصابونة المغربي يكون فيه طمي ويتحط كامسك ع الجسم يارت نعرف الطريقة كاملة ولا هي الصابونة تكفي
  • +0
0
اسئله كتيرة
أرسلت بواسطة alaa nashaat, نوفمبر 01, 2011
انا حضرتك عندى ساونا فى البيت هى تنفع ولا لا ؟ وهل اعرض جسمى بعد ما احط الصابون على جسمى الى البخار و لا ؟ وهل فى طمى بيتحط على الجسم فى الفترة ده ولا لا او ماسكات طبيعية بعد الحمام المغربى ؟ يا رييد الرد عشان انا عاوزة اعمله فى اليت عشان انا مستحرمة اعمله بره عشان ما حدش يشوف جسمى وشكراااااا
  • +0

أضف تعليق
تصغير | تكبير

busy

تابعونا

القائمة البريدية

قولى رأيك

عرفتى منين موقع نانيس سليم ؟